سونف

سونف

سونف کا پانی

امراض، جگر و طحال اور گردوں کے سدوں کو کھولنے کیلئے پلاتے رہتے ہیں۔ درد شکم نفخ شکم اور ضعف معدہ میں اسکااستعمال بہت زیادہ ہے۔ دودھ بڑھانے کیلئے اس کا سفوف بناکر ہمراہ شیر گائے استعمال کیا جاتا ہے۔  دمہ، کھانسی اور نزول الماءکیلئے بھی ازحد مفید ہے۔

معدہ کے غلیظ مادہ کو خارج کرتی ہے۔ تبخیر معدہ کے اندر ازحدمفید ہے اور دست بند کرتی ہے۔

قبض سے نجات

سونف (صاف شدہ) پانچ تولہ، گل قند اصلی 20 تولہ میں ملادیں صبح و شام 5 تولہ خوب چبا چبا کر کھالیا کریں۔ تمام امراض معدہ خاص طور پر دائمی قبض کیلئے سریع الاثر نباتاتی دوا ہے۔

سونف کے فوائد

پیچش کی بیماری میں مریض کو دو تولہ سونف‘ پانچ تولہ گلقند پانی میں رگڑ کر گرمیوں کے موسم میں اور جوش دے کر سردیوں کے موسم میں تین یا چار بار دن میں پلانے سے آرام ہوجاتا ہے۔

بینائی کو قائم رکھنے کیلئے اس کے جوشاندہ یا بادیان سبز کے پانی میں سرمہ کوکھرل کرکے آنکھوں میں لگاتے ہیں۔

پیٹ کی درد‘ اپھارہ اور قولنج میں بے حد مفید ہے۔

سونف کی جڑ چھ ماشہ رگڑ کر پینے سے درد کمر کو آرام ملتا ہے۔

تلی اور مثانے کے رکاو کو درست کرتی ہے۔

پیشاب اور حیض کو جاری کرتی ہے۔

سینہ‘ جگر‘ طحال اور گردہ کے سدے نکالتی ہے۔

سونف کمزوری دماغ اور قوت ہاضمہ کیلئے بہترین دوا ہے۔